இளையதளபதி விஜய் நடித்த 'பைரவா' திரைப்படம் கடந்த பொங்கல் விருந்தாக வெளிவந்து திருப்திகரமான வசூலை தந்து கொண்டிருக்கின்றது. கலவையான விமர்சனம், ஜல்லிக்கட்டு போராட்டம் ஆகியவற்றையும் மீறி விநியோகிஸ்தர்களுக்கு லாபம் தந்த படங்களில் ஒன்றாக ''பைரவா' இருந்ததால் படக்குழுவினர் உற்சாகமாக உள்ளனர்.

இந்நிலையில் இளையதளபதி விஜய் தான் நடித்த ஒவ்வொரு படத்தின் படக்குழுவினர்களுக்கும் தனது கையால் பரிசு வழங்குவதை கடந்த சில ஆண்டுகளாக வழக்கமாக வைத்துள்ளார். அந்த வகையில் தற்போது 'பைரவா' படக்குழுவினர் அனைவருக்கும் தனது கையால் தங்கசெயின்களை தனது இனிய பரிசாக அவர்களது கழுத்தில் மாட்டிவிட்டார். படக்குழுவினர் அனைவரும் தங்களது நன்றியை இளையதளபதிக்கு தெரிவித்தனர்.

இந்நிலையில் அட்லி இயக்கத்தில் விஜய்யின் அடுத்த படத்தின் படப்பிடிப்பு சமீபத்தில் தொடங்கப்பட்டு விறுவிறுப்பாக நடைபெற்று வருகிறது. இன்னும் டைட்டில் வைக்கப்படாத இந்த படத்தை ஸ்ரீதேனாண்டாள் பிலிம்ஸ் நிறுவனம் தனது 100வது தயாரிப்பாக தயாரித்து வருகிறது.