இளையதளபதி விஜய் இன்று தனது 42வது பிறந்த நாளை கொண்டாடி வரும் நிலையில் அவர் எங்கு பிறந்த நாளை கொண்டாடவுள்ளார் என்பது குறித்து நேற்று வரை பல்வேறு செய்திகள் வெளிவந்தன,

விஜய் 60' படக்குழுவினர்களுடன் அவர் பிறந்த நாள் கொண்டாடுவார் என்றும், அமெரிக்காவிற்கு தனது குடும்பத்தினர்களுடன் சென்று அங்கு பிறந்தநாளை கொண்டாடுவார் என்றும் அல்லது சென்னை வந்து ரசிகர்களுடன் கொண்டாடுவார் என்றும் கூறப்பட்டது.

இந்நிலையில் இன்று காலை 'விஜய் 60' படக்குழுவினர்களுடன் அவர் ஐதராபாத்தில் தனது பிறந்தநாளை எளிமையாக கேக் வெட்டி கொண்டாடினார். விஜய் பட்டுவேஷ்டி, பட்டு சட்டை காஸ்ட்யூமில் கேக் வெட்டினார் என்பது குறிப்பிடத்தக்கது

இந்த விழாவில் 'விஜய் 60' நாயகி கீர்த்தி சுரேஷ், இசையமைப்பாளர் சந்தோஷ் நாராயணன், காமெடி நடிகர் சதீஷ், இயக்குனர் பரதன் உள்பட படக்குழுவினர்கள் கலந்து கொண்டனர். .