ரஜினி, அஜித் இருவரையும் முந்திய விஜய்
- IndiaGlitz, [Wednesday,July 08 2015]
இப்போதெல்லாம் ஒரு படத்தின் மீதான எதிர்பார்ப்பு அதன் டீசரை எத்தனை பேர் பார்க்கிறார்கள் என்பதை வைத்தே அளக்கப்படுகிறது. முன்னணி நட்சத்திரங்கள் ரஜினிகாந்த், விஜய், அஜித், விக்ரம், சூர்யா ஆகியோரின் படங்கள் இந்த டீசர் பார்த்தவர்கள் எண்ணிக்கையில் சாதனை படைத்துள்ளன.
ரஜினியின் 'லிங்கா' மற்றும் அஜித்தின் 'என்னை அறிந்தால்' டீசர்கள் இந்த வகையில் படைத்த சாதனையை விஜய் நடித்த புலி' படத்தின் டீசர் முறியடித்துள்ளது, வெளியான சில நாட்களில் புலி' டீசரை 54,12,105 பேர் பார்த்துள்ளனர்.
சங்கர் இயக்கத்தில் விக்ரம் நடித்த ஐ' படத்தின் டீசர்தான் இதுவரை மிக அதிக முறை பார்க்கப்பட்ட டீசர் என்ற பெருமையைத் தக்கவைத்திருக்கிறது. ஒரு கோடியே ஒரு லட்சம் பேர் 'ஐ' டீசரைப் பார்த்துள்ளனர். அந்தச் சாதனையை புலி' முறியடிக்குமா என்பது இன்னும் சில நாட்களில் தெரிந்துவிடும்.