விஜய் 61-ல் இணையும் பாகுபலி' ஹீரோ?
- IndiaGlitz, [Wednesday,September 21 2016]
பிரமாண்ட இயக்குனர் எஸ்.எஸ்.ராஜமெளலி இயக்கிய 'பாகுபலி' படத்தின் வெற்றிக்கு முதல் காரணம் இந்த படத்தின் திரைக்கதை என்று கூறுவதுண்டு. உண்மையை சொன்னால் இந்த படத்தின் திரைக்கதைதான் முதல் ஹீரோ. இந்த திரைக்கதையை எழுதியவர் எஸ்.எஸ்.ராஜமெளலியின் தந்தை கே.வி. விஜயேந்திர பிரசாத் என்பது அனைவரும் அறிந்ததே.
இந்நிலையில் விஜயேந்திர பிரசாத், விரைவில் உருவாகவுள்ள விஜய்-அட்லி இணையும் 'விஜய் 61' படத்திற்காக திரைக்கதை எழுதவுள்ளதாக கூறப்படுகிறது. சூப்பர் ஹிட் படமான 'தெறி' கூட்டணியின் அடுத்த படத்தில் விஜயேந்திர பிரசாத் இணைவது மிகப்பெரிய பலமாக கருதப்படுகிறது.
மேலும் விஜய் நடித்த 'கத்தி' படத்தில் அட்டகாசமாக இசையமைத்த அனிருத் இந்த படத்தில் இணைய அதிக வாய்ப்புள்ளதாக கூறப்படுகிறது.
வரும் 2017, ஜனவரியில் இந்த படத்தின் படப்பிடிப்பு துவங்கும் என்றும் இந்த படத்தை ஸ்ரீதேனாண்டாள் பிலிம்ஸ் நிறுவனம் தயாரிக்கவுள்ளது என்றும் கூறப்படுகிறது.