மீண்டும் விஜய்-அட்லி மேஜிக். ஸ்ரீதேனாண்டாள் பிலிம்ஸ் அதிகாரபூர்வ அறிவிப்பு
- IndiaGlitz, [Tuesday,October 18 2016]
இளையதளபதி விஜய் நடித்துவரும் 'பைரவா' படத்தின் படப்பிடிப்பு முடிவடையவுள்ள நிலையில் இந்த படத்தை அடுத்து அவர் அட்லியின் இயக்கத்தில் உருவாகும் படத்தில் நடிக்க உள்ளதாக செய்திகள் வெளிவந்து கொண்டிருக்கின்றது.
இந்நிலையில் இந்த தகவலை தற்போது ஸ்ரீதேனாண்டாள் பிலிம்ஸ் நிறுவனத்தின் சி.இ.ஓ ஹேமாருக்மணி உறுதி செய்துள்ளார். சற்று முன் பத்திரிகையாளர்களுக்கு அளித்த பேட்டியில் அவர் கூறியதாவது:
'எங்களுடைய பேனரில் பெரிய ஹீரோவை வைத்து படமெடுப்பது இதுதான் முதல்முறை. இதனால் எங்கள் நிறுவனம் பெருமை அடைகிறது. மேலும் அட்லி-விஜய்யின் காம்பினேஷன் இதுவரை பிரம்மாதமாக வந்துள்ளது. அதனால் மீண்டும் அதே மேஜிக் நிகழும் என்ற நம்பிக்கை உள்ளது' என்று கூறியுள்ளார்.
ஹேமா ருக்மணி அவர்களின் இந்த பேட்டியை அடுத்து விஜய்-அட்லி படம் அதிகாரபூர்வமாக உறுதி செய்யப்பட்டுள்ளது. மிக விரைவில் இந்த படத்தின் நாயகி மற்றும் தொழில்நுட்ப கலைஞர்கள் குறித்த அறிவிப்பு வெளியாகும் என்று எதிர்பார்க்கப்படுகிறது.