வெற்றிகரமான 'விஜய் 59 'பட தலைப்பு
- IndiaGlitz, [Tuesday,September 08 2015]
அட்லி இயக்கத்தில் விஜய் நடித்து வரும் 'விஜய் 59' படத்தின் படப்பிடிப்பு விறுவிறுப்பாக நடைபெற்று வருகிறது. ஜில்லா' படத்திற்கு பின்னர் மீண்டும் போலீஸ் வேடத்தில் விஜய் இந்த படத்தில் நடிக்கின்றார். சமந்தா, எமி ஜாக்சன், இயக்குனர் மகேந்திரன், ராதிகா, கே.எஸ்.ரவிகுமார் உள்பட பலர் நடித்து வரும் இந்த படத்தை கலைப்புலி எஸ்.தாணு தயாரித்து வருகிறார்.
இந்நிலையில் இந்த படத்தின் டைட்டில் குறித்து இணையதளங்களில் பல்வேறு தகவல்கள் வெளிவந்து கொண்டிருக்கின்றது. சூப்பர் ஸ்டார் ரஜினி நடித்த மூன்று முகம்' டைட்டில் இந்த படத்திற்கு பரிசிலீக்கப்பட்டதாக செய்திகள் வெளிவந்தது. தற்போது வெளிவந்துள்ள புதிய தகவலின்படி இந்த படத்திற்கு 'வெற்றி' என்ற டைட்டில் வைக்கப்பட்டுள்ளதாக கூறப்படுகிறது. கேப்டன் விஜய்காந்த் நடிப்பில் கடந்த 1984ஆம் ஆண்டு விஜய்யின் தந்தை எஸ்.ஏ.சந்திரசேகர் இயக்கிய படமும் 'வெற்றி' என்பதும் இங்கே குறிப்பிடத்தக்கது.
விஜய் என்ற பெயரிலேயே 'வெற்றி' இருக்கிறது. அதுமட்டுமின்றி கடந்த சில வருடங்களாக வெற்றி மேல் வெற்றியை குவித்து வரும் விஜய்க்கு இந்த டைட்டில் பொருத்தமாக இருக்கும் என்றும், இந்த படமும் அவருடைய வெற்றி படங்களில் ஒன்றாக இணையும் என்றும் கருதப்படுகிறது. ஜி.வி.பிரகாஷ் இசையமைத்து வரும் இந்த படம் வரும் 2016ஆம் ஆண்டு பொங்கலில் வெளியாகலாம் என எதிர்பார்க்கப்படுகிறது.