1000 படங்களுக்கும் மேல் இசையமைத்து கின்னஸ் சாதனை செய்த இசைஞானி இளையராஜா அவர்களுக்கு இன்று சிறந்த திரைப்பட கலைஞருக்கான நூற்றாண்டு விருது வழங்கி கெளரவிக்கப்பட்டது. இந்த விருதை மத்திய நிதியமைச்சரும் செய்தி ஒளிப்பரப்பு துறை அமைச்சருமான அருண்ஜெட்லி இன்று பனாஜியில் நடைபெற்ற விழா ஒன்றில் இசைஞானிக்கு வழங்கினார். இந்த விழாவில் பிரபல பாலிவுட் நடிகர் அனில்கபூர் கலந்து கொண்டார்.

இதே விருது கடந்த 2014ஆம் ஆண்டு சூப்பர் ஸ்டார் ரஜினிகாந்த் அவர்களுக்கு வழங்கப்பட்டது என்பது குறிப்பிடத்தக்கது. தொடர்ந்து இரண்டு வருடங்கள் இந்த விருது கோலிவுட் திரையுலக மேதைகளுக்கு வழங்கப்பட்டது என்பது ஒரு பெருமையான விஷயம் ஆகும்

அன்னக்கிளி படத்தில் தனது இசைப்பயணத்தை ஆரம்பித்து 'தாரை தப்பட்டை' வரை 1000 படங்களை கடந்துவிட்ட இசைஞானி, இன்றும் முன்னணி இசையமைப்பாளராக கோலிவுட்டில் வலம் வருகிறார்.