இளையராஜாவின் வாழ்க்கை வரலாறு படத்தில் பிரபல நடிகர்: யுவன் அறிவிப்பு
- IndiaGlitz, [Monday,January 13 2020]
கோலிவுட் திரையுலகம் முதல் பாலிவுட் திரையுலகம் வரை பல பிரபலங்களின் வாழ்க்கை வரலாறு திரைப்படங்கள் உருவாகி வெற்றி பெற்று வருகின்றன என்பது குறிப்பிடத்தக்கது. தற்போதுகூட விமான நிறுவனர் ஜிஆர் கோபிநாத் அவர்களின் வாழ்க்கை வரலாறு சூரரைப்போற்று என்ற படமாக உருவாகி வருகிறது
இந்த நிலையில் இசைத்துறையில் உலக சாதனைப் படைத்த இசைஞானி இளையராஜா அவர்களின் வாழ்க்கை வரலாறு திரைப்படத்தை உருவாக்கும் எண்ணம் தனக்கு இருப்பதாகவும் இந்த படம் மூலம் விரைவில் இயக்குனராக அறிமுகமாக இருப்பதாகவும் பிரபல இசையமைப்பாளரும், இசைஞானியின் மகனுமான யுவன்சங்கர்ராஜா சமீபத்தில் நடந்த திரைப்பட விழா ஒன்றில் தெரிவித்துள்ளார்
இசைஞானியின் வாழ்க்கை வரலாறு திரைப்படத்தை எடுப்பதாக உறுதி செய்யப்பட்டால் அந்தப் படத்தில் இளையராஜா கேரக்டரில் நடிக்க தனுஷ் மிக பொருத்தமாக இருப்பார் என்றும், இந்த படத்திற்கு’ராஜா தி ஜர்னி’ என்ற டைட்டில் மிகப்பொருத்தமாக இருக்கும் என்றும் அவர் மேலும் கூறினார்.
எனவே இசைஞானியின் வாழ்க்கை வரலாறு திரைப்படம் குறித்த அறிவிப்பு மிக விரைவில் வெளிவரும் என்றும் அந்த படத்தில் தனுஷ் நடிக்க யுவன்சங்கர்ராஜா இயக்குவார் என்றும் எதிர்பார்க்கப்படுகிறது.