இசைஞானி இளையராஜா கடந்த பல ஆண்டுகளாக பிரசாத் ஸ்டூடியோவில் ஒலிப்பதிவு ஸ்டூடியோ அமைத்து பாடல்களை ஒலிப்பதிவு செய்து கொண்டிருந்த நிலையில் திடீரென பிரசாத் ஸ்டூடியோ நிர்வாகத்திற்கும் இளையராஜாவுக்கும் பிரச்சினை ஏற்பட்டது. இந்த பிரச்சனையின் காரணமாக பிரசாத் ஸ்டூடியோவில் இருந்து இளையராஜா வெளியேறும் நிலை ஏற்பட்டது என்பதும் இது குறித்த வழக்கு சென்னை உயர் நீதிமன்றத்தில் நடந்தது என்பதும் தெரிந்ததே

இந்த நிலையில் இளையராஜா தற்போது புதிய இடத்தில் புது ஒலிப்பதிவு ஸ்டூடியோ ஒன்றை அமைத்துள்ளதாக தகவல்கள் வெளிவந்துள்ளது. சென்னை கோடம்பாக்கத்தில் உள்ள எம்எம் ப்ரிவியூ தியேட்டர் இருந்த இடத்தில்தான் இளையராஜா தற்போது புது ஸ்டூடியோ அமைத்துள்ளார். இன்று முதல் அந்த ஸ்டூடியோ இயங்க இருப்பதாக தகவல்கள் வெளிவந்துள்ளன

இன்றைய முதல் நாளில் முதல் பாடலாக வெற்றிமாறன் இயக்கத்தில் சூரி நடிப்பில் உருவாகும் படத்தில் இடம்பெறும் பாடல் அங்கு ஒளிப்பதிவு செய்ய இருப்பதாக தகவல்கள் வெளிவந்துள்ளது. புதிய இடத்தில் தனது ஒலிப்பதிவை தொடங்கியுள்ள இசைஞானிக்கு கோலிவுட் திரையுலகினர் வாழ்த்து தெரிவித்து வருகின்றனர்