திமுக தலைவர் கருணாநிதியின் மறைவு எதிர்பாராத ஒன்றாக இருந்ததால் பல முக்கிய பிரமுகர்கள் அவருக்கு நேரில் அஞ்சலி செலுத்த முடியாத வகையில் வெளிநாட்டில் இருக்கின்றனர்.

விஜய், விக்ரம், நயன்தாரா, ஷங்கர் உள்பட பலர் வெளிநாட்டிலும் வெளி மாநிலங்களிலும் பிசியான பணியில் இருந்ததால் அவர்களால் கருணாநிதிக்கு நேரில் அஞ்சலி செலுத்த வரமுடியவில்லை

அந்த வகையில் இசைஞானி இளையராஜா தற்போது இசை நிகழ்ச்சி ஒன்றுக்காக ஆஸ்திரேலியாவில் உள்ளார். கருணாநிதியின் மறைவு குறித்து அவர் அங்கிருந்து வெளியிட்ட வீடியோ ஒன்றில் கூறியிருப்பதாவது:

அரசியலாகட்டும், கலையாகட்டும், இலக்கியமாகட்டும் தமிழ் ஆர்வமாகட்டும் என எல்லாத் துறைகளிலும் சிறந்து விளங்கிய கலைஞர் ஐயா அவர்களின் இழப்பு நமக்கு ஈடு செய்ய முடியாத இழப்பு ஆகும். உண்மையிலேயே ஈடு செய்ய முடியாத இழப்பு என்று கலைஞர் ஐயாவை கூறமுடியும். இந்த தினத்தில் நான் ஆஸ்திரேலியாவில் ஆறு மாதங்களுக்கு முன் ஒப்புக்கொண்ட ஒரு இசை நிகழ்ச்சிக்காக எனது இசைக்குழுவினர்களுடன் உள்ளேன். கலைஞர் ஐயா அவர்களின் குடும்பத்தினர்களுக்கு எனது ஆழ்ந்த இரங்கலை தெரிவித்து கொள்கிறேன்.