இசைஞானி இளையராஜா நேற்று தனது 76வது பிறந்த நாளை சிறப்பாக கொண்டாடினார். கமல்ஹாசன் உள்பட பல பிரமுகர்கள் நேரிலும், தொலைபேசியிலும் சமூக வலைத்தளங்கள் மூலமும் இளையராஜாவுக்கு வாழ்த்துக்கள் தெரிவித்தனர். மேலும் திரையுலகினர் மட்டுமின்றி அரசியல் பிரமுகர்களும் தொழிலதிபர்களும் இசைஞானிக்கு தங்கள் வாழ்த்துக்களை தெரிவித்தனர்.

இந்த நிலையில் தனக்கு பிறந்த நாள் வாழ்த்து கூறிய அனைவருக்கும் எப்படி நன்றி கூறுவதே தெரியவில்லை என்று கூறிய இளையராஜா, தன்னுடைய பிறந்த நாளன்று ஒரு முக்கிய அறிவிப்பை வெளியிடவுள்ளதாகவும் அறிவித்தார். அந்த அறிவிப்பு தற்போது வெளியாகியுள்ளது.

தென்னிந்திய திரையிசை கலைஞர்கள் சங்கத்திற்கான கட்டடத்தை எனது சொந்த செலவில் கட்டித்தர இருக்கிறேன் என்று ஒரு அறிவிப்பை இசைஞானி இளையராஜா நேற்று நடைபெற்ற தனது பிறந்த நாள் இசைநிகழ்ச்சியில் வெளியிட்டார். இந்த அறிவிப்பால் தென்னிந்திய திரையிசை கலைஞர்கள் மகிழ்ச்சியில் உள்ளனர்.