தமிழ் திரைப்பட தயாரிப்பாளர் சங்கத்தினால் ஏற்பாடு செய்யப்பட்ட 'இளையராஜா 75' என்ற நிகழ்ச்சி வரும் பிப்ரவரி மாதம் 2 மற்றும் 3 ஆம் தேதிகளில் சென்னை நந்தனம் மைதானத்தில் நடைபெறவுள்ளது. இந்த விழாவுக்கான அனைத்து ஏற்பாடுகளும் நடைபெற்று வருவதோடு டிக்கெட் விற்பனையும் ஆன்லைனில் நடந்து வருகிறது.

இந்த நிலையில் இந்த நிகழ்ச்சிக்கு தடை விதிக்க கோரி தயாரிப்பாளர் சதீஷ்குமார் என்பவர் சென்னை ஐகோர்ட்டில் மனுதாக்கல் செய்தார். இந்த வழக்கு இன்று விசாரணைக்கு வந்தபோது, 'இளையராஜா- 75 என்ற பாராட்டு நிகழ்ச்சியை தயாரிப்பாளர் சங்கம் ஏன் ஒத்திவைக்க கூடாது? என்று தயாரிப்பாளர் சங்கத்திற்கு சென்னை ஐகோட் கேள்வி எழுப்பியதோடு, இளையராஜா 75 விழா தொடர்பான கணக்கு வழக்கு, செலவு விவரங்களை தயாரிப்பாளர் சங்கம் நாளை தாக்கல் செய்ய வேண்டும் என்று உத்தரவு பிறப்பித்துள்ளது.

நாளை கணக்கு வழக்கு, செலவு விவரங்களை தயாரிப்பாளர் சங்கம் தாக்கல் செய்யும்போது நிகழ்ச்சியை ஒத்தி வைப்பது குறித்த ஐகோர்ட் கேள்விக்கு பதிலளிக்கும் என எதிர்பார்க்கப்படுகிறது.