தமிழை நலம் விசாரிக்க காவேரிக்கு வந்திருக்கும் இசைஞானி
- IndiaGlitz, [Saturday,July 28 2018]
திமுக தலைவரும் தமிழுக்காக சேவை செய்தவருமான கருணாநிதி உடல்நலக்குறைவு காரணமாக சென்னை காவேரி மருத்துவமனையில் அனுமதிக்கப்பட்டு சிகிச்சை பெற்று வருகிறார்.
அவருடைய உடல்நிலை குறித்து இந்திய ஜனாதிபதி ராம்நாத் கோவிந்த், துணை ஜனாதிபதி வெங்கையா நாயுடு, பிரதமர் மோடி , காங்கிரஸ் தலைவர் ராகுல்காந்தி உள்பட பலர் விசாரித்து வருகின்றனர். அதேபோல் தமிழக அரசியல் தலைவர்கள், திரையுலகினர் ஆகியோர்களும் காவிரி மருத்துவமனை சென்று கருணாநிதியிடம் நலம் விசாரித்து வருகின்றனர்.
இந்த நிலையில் தனக்கு இசைஞானி பட்டம் கொடுத்த திமுக தலைவர் கருணாநிதியின் உடல் நலம் குறித்து விசாரிக்க இளையராஜா காவேரி மருத்துவமனைக்கு வந்துள்ளார்.*இதனையடுத்து தமிழை உடல்நலம் விசாரிக்க காவேரிக்கு இசைஞானி வந்துள்ளதாக சமூக வலைத்தள பயனாளிகள் பதிவு செய்து வருகின்றனர்.
முன்னதாக கருணாநிதியை பார்க்க நடிகர் சங்க நிர்வாகிகள் காவேரி மருத்துவமனைக்கு வருகை தந்தனர் என்பது குறிப்பிடத்தக்கது