ஜல்லிக்கட்டு: தடையை மீறினால் தவறில்லை. இல.கணேசன்
- IndiaGlitz, [Friday,January 13 2017]
சுப்ரீம் கோர்ட் தடையை மீறி தமிழகத்தில் ஆங்காங்கே ஜல்லிக்கட்டு, மஞ்சுவிரட்டு, ரேக்ளா ரேஸ் ஆகியவை நடந்து வருகிறது. அல்ங்காநல்லூர், பாலமேடு ஆகிய உலகப்புகழ் பெற்ற ஜல்லிக்கட்டு மட்டும் நடக்குமா? நடக்காதா? என்ற பரபரப்பில் உள்ளது.
இந்நிலையில் பாஜகவின் மூத்த தலைவரும் எம்பியுமான இல.கணேசன் இதுகுறித்து கூறியபோது, 'ஜல்லிக்கட்டு இன்றி பொங்கல் முழுமை அடையாது. டில்லி முதல்வர் கெஜ்ரிவால் கூறுவது போல அரசே தடையை மீறி ஜல்லிக்கட்டு நடத்த முடியாது. தடையை மீறி ஜல்லிக்கட்டு நடத்தினால் பா.ஜ கட்சியின் கொள்கை என்ன என்பதை மாநில தலைமை முடிவு செய்யும்.
ஆனால் தடையை மீறி நடத்தினாலும் தவறில்லை என்பது என் தனிப்பட்ட கருத்து.'ஜல்லிக்கட்டு நடத்தினால் மாநில அரசை கலைக்க வேண்டும்' என சுப்பிரமணியசாமி தெரிவித்தது அவரது சொந்த கருத்து' என்று கூறியுள்ளார்.