தளபதி விஜய் நடித்த 'மெர்சல்' படத்தை பிரமாண்டமாக தயாரித்து, சரியான முறையில் புரமோஷன் செய்து நல்ல வெற்றியை அந்த படத்தின் தயாரிப்பு நிறுவனமான ஸ்ரீதேனாண்டாள் பிலிம்ஸ் பெற்றது என்பது அனைவரும் அறிந்ததே

இந்த நிலையில் இந்நிறுவனம் அடுத்ததாக பெரிய பட்ஜெட் படமான 'சங்கமித்ரா', எஸ்.ஜே.சூர்யா நடிக்கும் 'இறவைக்காலம் மற்றும் கார்த்திக் சுப்புராஜ் இயக்கத்தில் தனுஷ் நடிக்கவுள்ள படம் ஆகியவற்றை தயாரிக்க திட்டமிட்டுள்ளது.

இந்த நிலையில் சமீபத்தில் ஊடகம் ஒன்றுக்கு பேட்டியளித்த இந்நிறுவனத்தின் சி.இ.ஓ ஹேமாருக்மணி, 'தல அஜித் ஒரு அற்புதமான மனிதர், நல்ல நடிகர் அவருடைய நடிப்பு அனைவருக்கும் பிடிக்கும். எனவே அஜித் விரும்பினால் அவர் நடிக்கும் படத்தை தயாரிக்க தயாராக இருக்கின்றோம்' என்று கூறியுள்ளார்

அஜித் தற்போது சத்யஜோதி பிலிம்ஸ் தயாரிக்கும் 'விசுவாசம்' படத்தில் நடிக்கவுள்ளார். எனவே அஜித் 59' படத்தை தயாரிக்கும் வாய்ப்பை ஸ்ரீதேனாண்டாள் நிறுவனம் பெறுமா? என்பதை பொறுத்திருந்து பார்ப்போம்