சூப்பர் ஸ்டார் ரஜினிகாந்த் விரைவில் கட்சி ஆரம்பிக்க வேண்டும் என்றும் அவர் முதல்வர் என்றால் நான் தான் துணை முதல்வர் என்று பிரபல நடிகர் ஒருவர் சினிமா விழா ஒன்றில் பேசியது பெரும் பரபரப்பை ஏற்படுத்தியுள்ளது.

‘சிவகாமி’ என்ற படத்தின் இசை வெளியீட்டு விழா சமீபத்தில் நடந்த நிலையில் இந்த படத்தில் முக்கிய கேரக்டரில் நடித்துள்ள பவர்ஸ்டார் சீனிவாசன் பேசியதாவது:

சூப்பர் ஸ்டார் ரஜினிகாந்த் அவர்களுக்கு நான் ஒரு வேண்டுகோள் வைக்கின்றேன். அவர் விரைவில் கட்சி ஆரம்பிக்க வேண்டும். அவர் என்னையும் கட்சியில் சேர்த்து கொள்ள வேண்டும். அவர் முதல்வர் என்றால் நான் தான் துணை முதல்வர். அப்படி இல்லை எனில் நான் கட்சி ஆரம்பிக்கின்றேன், அவர் எனது கட்சியில் சேரலாம்’ என்று காமெடியாக தெரிவித்தார்.

மேலும் பல சோதனைகள் மற்றும் கோடிக்கணக்கில் பண இழப்புகள் இந்த சினிமாத்துறை தனக்கு தந்தாலும் ஒரு சின்ன கேரக்டரில் நடித்தால் கூட உலகம் முழுவதும் நாம் பிரபலம் அடையலாம் என்பதால் இந்த துறையில் தான் தொடர்ந்து இருப்பதாக பவர்ஸ்டார் கூறினார்.