'இது நம்ம ஆளு' படத்தின் 3 நாட்கள் சென்னை வசூல் விபரங்கள்
- IndiaGlitz, [Monday,May 30 2016]
சிம்பு, நயன்தாரா, ஆண்ட்ரியா நடிப்பில் பாண்டிராஜ் இயக்கத்தில் உருவாகியுள்ள 'இது நம்ம ஆளு' திரைப்படம் கடந்த வெள்ளியன்று வெளியாகி ஊடகங்களின் பாசிட்டிவ் விமர்சனங்களால் திரையரங்குகளில் வெற்றிகரமாக ஓடி வருகிறது.
இந்நிலையில் சென்னையில் கடந்த வெள்ளி, சனி, ஞாயிறு ஆகிய மூன்று தினங்களில் இந்த படத்தின் வசூல் குறித்த தகவல்கள் தற்போது வெளிவந்துள்ளது. 17 திரையரங்குகளில் 281 காட்சிகள் ஓடிய 'இது நம்ம ஆளு' படம் ரூ.1,33,41,030 வசூல் செய்துள்ளதாகவும், திரையரங்குகள் 97% நிரம்பியிருந்ததாகவும் செய்திகள் வெளிவந்துள்ளது.
இதுவரை வெளியான சிம்பு, பாண்டிராஜ் படங்களில் இந்த ஒப்பனிங் வசூல் மிகப்பெரியது என்பது குறிப்பிடத்தக்கது.