இருட்டு அறையில் முரட்டு குத்து முதல் நாள் வசூல்
- IndiaGlitz, [Saturday,May 05 2018]
கவுதம் கார்த்திக் நடிப்பில் நேற்று வெளியான 'இருட்டு அறையில் முரட்டு குத்து' திரைப்படம் பெரிய ஸ்டார்கள் படங்களுக்கு இணையாக காலை சிறப்பு காட்சி திரையிடப்பட்டு அரங்கு நிறைந்த காட்சிகயாக இருந்தது.
பிரமாதமான புரமோஷன் காரணமாக இந்த படத்தின் முதல் நாள் வசூல் அபாரமாக இருந்துள்ள தகவல் தற்போது வெளிவந்துள்ளது. இந்த படம் தமிழகம் முழுவதும் முதல் நாளில் ரூ.2.25 கோடி வசூல் செய்துள்ளது. சென்னையில் ரூ.34 லட்சமும், செங்கல்பட்டு பகுதியில் ரூ.72 லட்சமும், கோவையில் ரூ.38 லட்சமும், நெல்லை-குமரி பகுதியில் ரூ.11 லட்சமும் வசூல் செய்துள்ளது.
கவுதம் கார்த்திக்கை பொருத்தவரையில் இந்த படம் தான் அவருக்கு மிகப்பெரிய ஓப்பனிங் வசூலை கொடுத்த படம் என்று கூறலாம். இன்றும் நாளையும் விடுமுறை தினம் என்பதால் இந்த வாரம் இந்த படத்தின் வசூல், தயாரிப்பாளர் மற்றும் விநியோகிஸ்தர்களை திருப்தி அடையும் வகையில் இருக்கும் என்று எதிர்பார்க்கப்படுகிறது.