இளையதளபதி விஜய் நடித்துள்ள 'தெறி' படத்தின் ரிலீஸ் தேதி நெருங்க நெருங்க விஜய் ரசிகர்களிடையே பெரும் பரபரப்பு ஏற்பட்டு வருகிறது. இந்த படத்தை இதுவரை இல்லாத வகையில் பெரும் எதிர்பார்ப்பு ஏற்பட்டுள்ளதால் இந்த படத்தின் பிசினஸ் மிகப்பெரிய அளவில் நடைபெற்று வருகிறது.

இந்நிலையில் இந்த படத்தின் மெயின் வில்லனாக நடித்துள்ள மகேந்திரன் பிரபல வார இதழ் ஒன்றுக்கு அளித்த பேட்டியில் விஜய் குறித்து கூறியபோது, "ரஜினி சாரிடம் என்ன இயல்பை ஃபீல் பண்ணுவேனோ, விஜய்யிடமும் அதே இயல்பு. விஜய்யிடம் நான் ரஜினியைப் பார்க்கிறேன்' என்று கூறியுள்ளார்.

மேலும் "விஜய் மீது எனக்கு மிகப் பெரிய மரியாதை உண்டு. வணிகரீதியான படங்களில்கூட அவரின் யதார்த்தமான நடிப்பு, ஓர் இயக்குநராக எனக்குப் பிடிக்கும். அந்த மிகச் சிறந்த மனிதரையும் பிடிக்கும்' என்று கூறியுள்ளார்.

மேலும் தன் வாழ்க்கையில் ஒருநாள்கூட அவர் ஷேவ் பண்ணாமல் இருந்தது இல்லை என்றும் அப்படி இருந்த தான் 'தெறி' படத்திற்காக கிட்டத்தட்ட இரண்டு மாதங்கள் தனது கேரக்டருக்காக தாடி வளர்த்ததாகவும் இயக்குனர் மகேந்திரன் கூறியுள்ளார்.