ஆஸ்கார் நாயகன் ஏ.ஆர்.ரஹ்மான் ஏற்கனவே பல உலகப்புகழ் பெற்ற இசைக்கலைஞர்களுடன் பணிபுரிந்துள்ளார். அதேபோல் 'ஸ்லம்டாக் மில்லியனர்', 127 ஹவர்ஸ் உள்பட பல ஹாலிவுட் படங்களுக்கும் இசையமைத்துள்ளார்.

இந்த நிலையில் ஏ.ஆர்.ரஹ்மான் இசையில் பாட வேண்டும் என்று உலகப்புகழ் பெற்ற பாடகி மற்றும் நடிகை செலினா கோமஸ் பேட்டி ஒன்றில் தெரிவித்துள்ளார்.

நான் கடந்த சில வருடங்களாக இந்திய இசையமைப்பாளர்களை கவனித்து வருகிறேன். குறிப்பாக இன்று உலகம் முழுவதும் புகழ் பெற்றுள்ள ஏ.ஆர்.ரஹ்மான் அவர்களின் இசை எனக்கு ரொம்ப பிடிக்கும். அவருடன் இணைந்து ஒரு பாடல் பாட வேண்டும் என்பது எனது ஆசை. எனது இந்த ஆசை பாலிவுட் திரைப்படம் ஒன்றின் மூலம் நிறைவேறும் என்று நம்புகிறேன்' என்று தெரிவித்துள்ளார். செலினா கோமஸ் ஆசை விரைவில் நிறைவேறினால் அது ரஹ்மான் ரசிகர்களுக்கும் ஒரு விருந்தாக இருக்கும் என்பதில் சந்தேகம் இல்லை