வேலூர் சிறையில் கருணாஸை சந்திப்பேன்: விஷால்
- IndiaGlitz, [Monday,September 24 2018]
தமிழக முதல்வர் எடப்பாடி பழனிச்சாமி மற்றும் காவல்துறை உயரதிகாரி ஒருவரை சர்ச்சைக்குரிய வகையில் பேசிய எம்.எல்.ஏவும் நடிகருமான கருணாஸ் கைது செய்யப்பட்டு வேலூர் சிறையில் அடைக்கப்பட்டுள்ளார். இதனிடையே கருணாஸ் தாக்கல் செய்த ஜாமீன் மனு விரைவில் விசாரணைக்கு வரவுள்ளது.
இந்த நிலையில் இன்று விஷாலின் 'சண்டக்கோழி 2' திரைப்படத்தின் பத்திரிகையாளர் சந்திப்பு நடந்தது. இதில் கருணாஸ் கைது குறித்த கேள்வி ஒன்றுக்கு பதிலளித்த நடிகர் விஷால், 'எம்எல்ஏ கருணாஸ் வரம்பு மீறி பேசியதால் தான் கைது செய்யப்பட்டிருப்பதாகவும், வேலூர் சிறையில் கருணாஸை சந்தித்தாலும் சந்திப்பேன்' என்றும் கூறினார்.
மேலும் திருப்பரங்குன்றம் திருவாரூர் இடைத்தேர்தல் தேதி அறிவித்தவுடன் அதில் போட்டியிடுவது குறித்த தனது முடிவை சொல்வேன் என்றும், அது நல்ல முடிவாக இருக்கும் என்றும் விஷால் கூறினார்.