தமிழ் திரையுலகின் காமெடி நடிகையும் பிக்பாஸ் போட்டியாளர்களின் ஒருவருமான நடிகை ஆர்த்தி தனக்கு ஒரு வருடத்திற்கு இனி ஒரு ரூபாய் சம்பளம் போதும் என்று அதிரடியாக அறிவித்துள்ளார். இதுகுறித்து அவர் தனது சமூக வலைத்தளத்தில் வெளியிட்ட வீடியோவில் கூறியிருப்பதாவது

இந்த லாக்டவுன் நேரத்தில் சினிமா தயாரிப்பாளர்கள் மிகுந்த கஷ்டத்தில் உள்ளனர். தயாரிப்பாளர்கள் நன்றாக இருந்தால்தான் தொழிலாளர்களாகிய நாங்கள் நன்றாக இருக்க முடியும். எனவே அவர்களுக்கு சுமையை குறைக்கும் வகையில் என்னால் முடிந்த அளவு நான் உதவி செய்ய முடிவு செய்து கொள்கிறேன். இனிமேல் ஒரு வருடத்திற்கு நான் நடிக்கும் அனைத்து படங்களுக்கும் ஒரு ரூபாய் மட்டுமே சம்பளமாக பெற போகிறேன் என்று அறிவித்துள்ளார்

மேலும் எனக்கு சம்பளமாக ஒரு குறிப்பிட்ட தொகையை நீங்கள் முடிவு செய்திருப்பீர்கள். அந்த தொகையை கூடுதலாக ஒரு பத்து கலைஞர்களுக்கு வாய்ப்பு கொடுத்து அவர்களுக்கு சம்பளமாக கொடுக்க வேண்டும் என்பதே எனது ஒரு தாழ்மையான விண்ணப்பம் என்றும் ஆர்த்தி கூறியுள்ளார்
அதேபோல் தங்களது சம்பளத்தை 25 சதவீதம் முதல் 40 சதவீதம் வரை குறைத்துக் கொண்ட விஜய் ஆண்டனி, ஹரிஷ் கல்யாண், இயக்குனர் ஹரி உள்ளிட்டவர்களுக்கு தனது மனமார்ந்த பாராட்டுக்கள் என்றும் இதே போல் ஒவ்வொருவரும் தங்களது சம்பளத்தை குறைத்துக் கொண்டு நமது முதலாளிகளுக்கு உதவி செய்ய வேண்டும் என்றும் அவர் கூறியுள்ளார். நடிகை ஆர்த்தியின் இந்த வீடியோ தற்போது சமூக வலைதளத்தில் வைரலாகி வருகிறது என்பது குறிப்பிடத்தக்கது

ஒரு ரூபாய் சம்பளம் போதும், ஒரு வருடத்திற்கு!
- நடிகை ஆர்த்தி
அதிரடி அறிவிப்பு@harathi_hahaha @johnmediamanagr pic.twitter.com/AGzWSe58z3

— Actor Kayal Devaraj (@kayaldevaraj) May 9, 2020