நடிகர் ஆர்ஜே பாலாஜி கதை, திரைக்கதை வசனம் எழுதி நடித்த 'எல்.கே.ஜி' திரைப்படம் சமீபத்தில் வெளியாகி சூப்பர் ஹிட் ஆகிய நிலையில் அவர் நடித்த அடுத்த படமான 'பூமராங்' திரைப்படம் வரும் 8ஆம் தேதி வெளியாகவுள்ளது இந்த படத்தின் பத்திரிகையாளர் சந்திப்பு நேற்று சென்னையில் நடந்தது இதில் ஆர்ஜே பாலாஜி பேசியதாவது.

நான் நடித்த 'எல்.கே.ஜி' திரைப்படம் உருவாக காரணமே அதர்வாதான். 'பூமராங்' படத்தின் படப்பிடிப்பின்போதுதான் அதர்வாவை முதன்முதலில் பார்த்தேன். சில நாட்களிலேயே நாங்கள் இருவரும் நெருங்கிய நண்பர்களாகிவிட்டோம். நாங்கள் இருவரும் பல விஷயங்கள் பேசிக்கொண்டிருந்தபோது தான் எல்.கே.ஜி படம் தொடங்கும் ஐடியா எனக்கு வந்தது. மேலும் அதர்வாவுக்காக நான் ஒரு கதை சொல்லியுள்ளேன். அந்த கதை அவருக்கு ரொம்ப பிடித்துள்ளது. கூடிய விரைவில் இந்த படத்தை இயக்குவேன்.

பூமராங் திரைப்படத்தில் கடந்த 50 ஆண்டுகளாக தீர்க்க முடியாமல் இருக்கும் நதிநீர் பிரச்சனையை வித்தியாசமாக இயக்குனர் கண்ணன் கையாண்டுள்ளார். நதிநீர் பிரச்சனை தீர்ந்தால் விவசாயிகளுக்கு என்னென்ன நன்மை கிடைக்கும் என்பது இந்த படத்தில் சமூக அக்கறையுடன் சொல்லப்பட்டுள்ளது. இவ்வாறு ஆர்ஜே பாலாஜி பேசினார்.