தோல்வி அடைந்தாலும் அரசியலில் தொடர்வேன்: கமல்ஹாசன்
- IndiaGlitz, [Thursday,May 10 2018]
அரசியலில் வெற்றி பெற்றாலும் தோல்வி அடைந்தாலும் தொடர்ந்து நீடிப்பேன் என்று நடிகரும் மக்கள் நீதி கட்சியின் தலைவருமான கமல்ஹாசன் தெரிவித்தார்.
நேற்று சென்னையில் நடந்த இந்திய தொழில்நுட்ப கூட்டமைப்பு மற்றும் வர்த்தக சபை கூட்டத்தில் கமல்ஹாசன் சிறப்பு விருந்தினராக கலந்து கொண்டு பேசினார். அப்போது அவர் பேசியதாவது:
தமிழகத்தில் உள்ள அவலநிலை மாற வேண்டும். நான் எதற்காக அரசியலுக்கு வந்தேன் என்றால், சட்டமன்றத்தில் நீதிக்கும்,நேர்மைக்கும் இன்னமும் இடம் இருக்கிறது. அதற்காகவே அரசியலுக்கு வந்துள்ளேன் என்பதை மக்களுக்கு தெரிவித்து கொள்கிறேன்.
இதுவரை நடிகனாக எனது வாழ்க்கையை கடந்து விட்டேன். இனிமேல் மக்கள் பணிக்காக என்னை அர்ப்பணித்துளேன். இதை எனது வாழ்நாளின் இறுதி வரை தொடர்வேன். இவ்வாறு கமல்ஹாசன் பேசினார்.