"నా ఇంటి పేరైన గ్రామానికి రావడం సంతోషంగా ఉంది. నందికొట్కూరు నియోజ‌క‌వ‌ర్గంలో మా ఇంటి పేరుతో కొణిద‌ల గ్రామం ఉంది. ఆ గ్రామాన్ని ద‌త్తత తీసుకొని అన్ని విధాల అభివృద్ధి చేస్తాం" అని జనసేన అధినేత పవన్ కల్యాణ్ చెప్పుకొచ్చారు. శుక్రవారం రోజు ఎన్నికల ప్రచారంలో భాగంగా పవన్ మాట్లాడుతూ.."నందికొట్కూరు అసెంబ్లీ స్థానం నుంచి పోటీ చేస్తున్న బాల వెంక‌ట్ ఉద్యోగం వ‌దిలేసి ప్రజాసేవ చేసేందుకు రాజ‌కీయాల్లోకి వ‌చ్చారు.

నంద్యాల లోక్ స‌భ స్థానం నుంచి పోటీ చేస్తున్న ఎస్పీవై రెడ్డి గారు జ‌న‌సేన పార్టీకి ఐదేళ్లు అండ‌గా ఉంటే చాలు క‌ర్నూలు రూపురేఖ‌ల‌ను మారుస్తాం. ముఖ్యమంత్రి చంద్రబాబు గారికి త‌న కుమారుడు లోకేశ్ భ‌విష్యత్తు ముఖ్యం. ప్రతిప‌క్ష నేత జ‌గ‌న్మోహ‌న్ రెడ్డిగారికి ఆయ‌న భ‌విష్యత్తు గురించే ఆలోచిస్తారు. జ‌న‌సేన పార్టీ, ప‌వ‌న్ క‌ళ్యాణ్ మాత్రమే మీ బిడ్డల‌కు బంగారు భ‌విష్య‌త్తు ఇవ్వాల‌ని ఆలోచిస్తుంది. 2019 ఎన్నిక‌లు చాలా కీల‌మైన ఎన్నిక‌లు. మార్పుకు శ్రీకారం చుట్టే ఎన్నిక‌లు. ఓట‌ర్లు విజ్ఞ‌త‌తో గాజు గ్లాస్ గుర్తుకి ఓటు వేసి జ‌న‌సేన అభ్య‌ర్ధుల‌ను అఖండ మెజార్టీతో గెలిపించాలి" అని పవన్ కల్యాణ్ ఓటర్లను అభ్యర్థించారు.