ఇండియ‌న్ హెర్కుల‌స్‌గా న‌టించాల‌నుంది - రానా
- IndiaGlitz, [Saturday,July 09 2016]
హెర్కుల‌స్ గ్రీకు దేవుడు, వీరుడు. భూమినంతా అత‌డే మోస్తున్నాడ‌ని గ్రీకుల అభిప్రాయం. హెర్కుల‌స్ పై చాలా హాలీవుడ్ సినిమాలు రూపొందాయి. గ్రీకుల్లోనే కాదు, మ‌న ఇండియాలో కూడా హెర్కుల‌స్ ఉన్నాడు. అది కూడా మ‌న తెలుగు రాస్ట్రానికి చెందిన వాడు కావ‌డం విశేషం.
అత‌డే కోడి రామ‌కృష్ణ. విజ‌య‌న‌గ‌రం జిల్లాకు చెందిన కోడిరామ‌కృష్ణ మంచి మ‌ల్ల‌వీరుడు. ఇనుప సంకెళ్ళ‌నే తెంచేసే బ‌ల‌మున్న వ్య‌క్తిగా అప్ప‌ట్లో ఖ్యాతి గ‌డించిన కోడిరామ‌కృష్ణ బ‌యోపిక్‌లో న‌టించాల‌నుంద‌ని త‌న మ‌న‌సులో మాట‌ల‌ను బయ‌ట‌పెట్టాడు భ‌ల్లాల‌దేవుడు. ప్ర‌స్తుతం బాహుబ‌లి2, ఘాజి చిత్రాల‌తో బిజీగా ఉన్న ఈ యువ హీరో కోరిక‌ను ఏ ద‌ర్శ‌క, నిర్మాత తీరుస్తాడో చూడాలి.