టాలీవుడ్ వివాదాస్పద దర్శకుడు రామ్ గోపాల్ వర్మ గురించి ప్రత్యేకించి మరీ చెప్పనక్కర్లేదు. ఎలాంటి అంశంపై అయినా సరే తనదైన శైలిలో విమర్శలు, సెటైర్లు గుప్పించడంలో ఆర్జీవీ ముందు వరుసలో ఉంటారు. అయితే గత కొన్ని రోజులుగా ప్రపంచాన్ని వణికిస్తున్న కరోనా మమమ్మారిపై వరుస ట్వీట్స్ చేస్తూ.. కాస్త మంచిగానే ఉన్నాడు. మరోవైపు కరోనా పోరులో భాగంగా తన వంతుగా జనాల్లో చైతన్యం కలిపిస్తున్నాడు కూడా. అంతేకాదు.. కరోనాకు సంబంధించి ఏవైనా మంచి వీడియోలు ఉన్నా తన ట్విట్టర్ ద్వారా షేర్ చేస్తున్నాడు.

వీడియో షేర్ చేసి..

తాజాగా అగ్రరాజ్యం అధ్యక్షుడు, ప్రధాని నరేంద్ర మోదీకి ఇద్దరున్న ఫన్నీ వీడియోను పోస్ట్ చేసిన ఆయన ఇంట్రెస్టింగ్ కామెంట్స్ చేశాడు. ఈ వీడియోను ఎడిట్ చేసిన వ్యక్తిని పెళ్లి చేసుకోవాలనుందని చమత్కరించాడు. కాగా ఈ వీడియోలో మోదీ-ట్రంప్ మధ్య స్నేహాన్ని తెలియజేస్తోంది. ఈ వీడియోలో సూపర్ స్టార్ రజనీకాంత్, మమ్ముట్టి కలిసి నటించిన ‘దళపతి’ మూవీలోని ‘సింగారాల పైరుల్లోన బంగారాలే పండేనంట’ అనే పాట తమిళ వర్షన్‌ను దీనికి జత చేశారు. ఈ వీడియో సోషల్ మీడియాలో వైరల్‌గా మారింది. దీన్ని అభిమానులు, నెటిజన్లు పెద్ద ఎత్తున షేర్ చేస్తున్నారు. అయితే.. ఈ వీడియో చేసిన అసలు వ్యక్తి.. ఆర్జీవీ ట్వీట్‌కు ఎలా రియాక్ట్ అవుతాడో ఏంటో వేచి చూడాలి.

I want to marry this editor ?? pic.twitter.com/1qOiZ9KXbv

— Ram Gopal Varma (@RGVzoomin) April 22, 2020