சூப்பர் ஸ்டார் ரஜினிகாந்த் தனது அரசியல் அறிவிப்பை வரும் 31-ஆம் தேதி வெளியிட உள்ளார் என்பதும் அவர் வரும் ஜனவரி மாதம் புதிய கட்சி தொடங்க உள்ளார் என்பதும் தெரிந்ததே. இந்த நிலையில் தனது ரஜினி மக்கள் மன்றத்தை அரசியல் கட்சியாக மாற்றும் பொறுப்பை அர்ஜுனா மூர்த்தி மற்றும் தமிழருவி மணியன் ஆகியோரிடம் ஒப்படைத்து உள்ளார் என்பதும் அவர்கள் இருவரும் இணைந்து அந்த பணியை செய்து வருகிறார்கள் என்பதும் தெரிந்ததே

மேலும் ரஜினியின் கட்சிக்கு பல்வேறு கட்சிகளை சேர்ந்த பிரமுகர்கள் வருவதற்கு வாய்ப்பு இருப்பதாக கருதப்படும் நிலையில் இன்று திமுக தலைவர் முக ஸ்டாலினின் சகோதரர் முக அழகிரி அவர்கள் மதுரையில் பேட்டி அளித்தார். அப்போது ’ரஜினி கட்சியில் நீங்கள் இணைவதற்கு வாய்ப்பிருக்கிறதா? என்று செய்தியாளர்கள் கேட்ட கேள்விக்கு ’வாய்ப்பு கொடுத்தால் ரஜினியுடன் சேர்ந்து நடிக்கலாம்’ என்று அவர் கூறியிருப்பது பெரும் நகைச்சுவையான பதிலாக உள்ளது

இந்த நிலையில் முக அழகிரி தனி கட்சி தொடங்க வாய்ப்பு இருப்பதாகவும் அவருடைய கட்சி பாஜகவுடன் கூட்டணி சேர வாய்ப்பு இருப்பதாகவும் அரசியல் வட்டாரத்தில் கூறப்பட்டு வருகிறது