தென்னிந்திய நடிகர் சங்க தேர்தல் வரும் 23ஆம் தேதி நடைபெறவிருக்கும் நிலையில் விஷால் அணி, பாக்யராஜ் அணி ஆகிய இரு அணிகளில் போட்டியிடும் வேட்பாளர்கள் நடிகர், நடிகைகள் இடையே தீவிர ஓட்டுவேட்டை நடத்தி வருகின்றனர்.

இந்த நிலையில் விஜய்சேதுய்பதி தனது ஆதரவு யாருக்கு என்பதை நேற்று நடந்த 'சிந்துபாத்' இசை வெளியீட்டிற்கு பின்னர் அளித்த பேட்டியில் விளக்கியுள்ளார். தான் ஒரு அணியில் பேசியிருப்பதாகவும், அந்த அணியினர் கூறிய கருத்து தனக்கு பிடித்ததால் அந்த அணிக்கு ஆதரவு அளித்து ஓட்டு போடவுள்ளதாகவும், அந்த அணி எந்த அணி என்பதை வெளிப்படையாக சொல்ல முடியாது என்றும் விஜய்சேதுபதி கூறியுள்ளார்.

மேலும் சினிமாவில் காலங்காலமாக பல பிரச்சனைகள் இருந்து வருவதாகவும், அந்த பிரச்சனைகள் கொஞ்சம் கொஞ்சமாக தீர்க்கப்பட்டால் சந்தோஷம் என்றும், சினிமா என்பது நடிகர், நடிகை இயக்குனர் என நீங்கள் போஸ்டரில் பார்க்கும் ஒருசிலர் மட்டும் கிடையாது என்றும் அதனையும் தாண்டி சினிமாவின் பின்னால் நூற்றுக்கணக்கான குடும்பங்கள் இருப்பதாகவும் அவர்களுக்கும் நல்லது நடக்க வேண்டும் என்றும் விஜய்சேதுபதி கூறினார்