லாக்டவுன் இல்லைன்னு சொன்னா இப்படித்தான் ஆடுவேன்: ரஜினி, அஜித் நாயகி
- IndiaGlitz, [Thursday,May 21 2020]
கொரோனா வைரஸ் காரணமாக கடந்த மார்ச் மாதம் முதல் ஊரடங்கு உத்தரவு பிறப்பிக்கப்பட்டு உள்ளதால் கோடிக் கணக்கான பொதுமக்கள் திண்டாட்டத்தில் உள்ளனர். இருப்பினும் தற்போது நான்காவது கட்ட ஊரடங்கில் பல்வேறு தளர்வுகள் அறிவிக்கப்பட்டுள்ளதால் கிட்டத்தட்ட நாடு முழுவதும் இயல்பு நிலைக்கு திரும்பி விட்டதாகவே கருதப்படுகிறது. மேலும் ரயில் போக்குவரத்து மற்றும் விமான போக்குவரத்து விரைவில் தொடங்கவிருப்பதாக அறிவிக்கப்பட்டுள்ளதால் மக்கள் இயல்பு வாழக்கைக்கு திரும்பி வருகின்றனர். இந்த நிலையில் ஊரடங்கு இனி நீட்டிக்க வாய்ப்பில்லை என்றே கருதப்படுகிறது.
இந்த நிலையில் இந்த கொரோனா விடுமுறையில் நடிகர் நடிகைகள் பலர் தங்களது சமூக வலைதளப் பக்கத்தில் பல்வேறு வீடியோக்களை வெளியிட்டு வருகின்றனர் என்பது தெரிந்ததே. அந்த வகையில் சூப்பர் ஸ்டார் ரஜினிகாந்த் நடித்த காலா படத்தில் நடித்தவரும் அஜீத் நடித்து வரும் ’வலிமை’ படத்தில் நடித்து வருபவருமான ஹூமா குரேஷி தனது சமூக வலைத்தளத்தில் தான் ஆட்டம் போடும் ஒரு வீடியோவை வெளியிட்டுள்ளார்.
இனிமேல் லாக்டவுன் இல்லை என்ற அறிவிப்பு வந்தால் என்னுடைய டான்ஸ் இப்படித்தான் இருக்கும் என்று அவர் கூறி ஒரு இந்தி பாடலுக்கு நடனமாடியுள்ளார். ஹூமோ குரேஷின் இந்த நடன வீடியோ தற்போது வைரல் ஆகி வருகிறது என்பது குறிப்பிடத்தக்கது.
https://1847884116.rsc.cdn77.org/tamil/home/huma210520_3.jpg