నిఖిల్ ఎవ‌డో నాకు తెలియ‌దు: ఆర్జీవీ
- IndiaGlitz, [Thursday,July 23 2020]
త‌న సినిమాను రామ్‌గోపాల్ వ‌ర్మ ప‌బ్లిసిటీ చేసుకున్నంత‌గా మ‌రే ద‌ర్శ‌కుడు చేసుకోలేడు. ఇది వాస్త‌వం. కాంట్ర‌వ‌ర్సీల‌కు కేరాఫ్‌గా మారిన ఈ ద‌ర్శ‌కుడు ప్ర‌స్తుతం ప‌వ‌ర్‌స్టార్ అనే సినిమాను విడుద‌ల‌కు సిద్ధం చేశాడు. వ‌ర్మ ఇదొక క‌ల్పిత క‌థ‌తో తీస్తున్నాన‌ని చెబుతున్నాడే కానీ.. ప‌వ‌న్‌క‌ల్యాణ్‌ను టార్గెట్ చేశాడు. సినిమా ట్రైల‌ర్‌ను కూడా విడుద‌ల చేశారు వ‌ర్మ. వ‌ర్మ‌పై ప‌వ‌న్ ఫ్యాన్స్ త‌మదైన శైలిలో విరుచుకుప‌డుతున్నారు. సోష‌ల్ మీడియా వేదిక‌గా కొంద‌రు తిడుతుంటే.. మ‌రికొంద‌రు సినిమాలు, వెబ్ సిరీస్‌ల రూపంలో వ‌ర్మ‌ను టార్గెట్ చేశారు.
సినీ ఇండ‌స్ట్రీలో కొంత మంది ప‌వ‌న్ అభిమానులున్నా కూడా వ‌ర్మ‌ను ఎవ‌రు ఏమీ అన‌లేదు. అయితే హీరో నిఖిల్ మాత్రం త‌న‌దైన శైలిలో ఘాటుగా స్పందించారు. ‘శిఖ‌రంను చూసి కుక్కు మొరిగితే మ‌హా శిఖ‌రం త‌ల తిప్పి చూడ‌దు’ అని ట్విట్ట‌ర్ వేదిక‌గా వ‌ర్మ‌ను ఘాటుగా కామెంట్ చేశారు. ఈ కామెంట్‌పై వ‌ర్మ రీసెంట్ ఇంట‌ర్వ్యూలో ఘాటుగా స్పందించారు. నిఖిల్ కావ‌చ్చు, కికిల్ కావ‌చ్చు వాళ్లంద‌రూ ఒకే కోవ‌కు చెందిన‌వారు. ప‌వ‌న్‌క‌ల్యాణ్ తొత్తులుగా ప‌నిచేస్తుంటారు. అలా ఉంటే ప‌వ‌న్‌క‌ల్యాణ్‌కు వీళ్ల‌పై మంచి అభిప్రాయం వ‌స్తుంద‌ని ఆశ. బానిస‌త్వ బుద్ధిలో నుండి వ‌చ్చే ఆలోచ‌న ఇది. నిఖిల్ పెద్ద స్టార్ అయ్యుండొచ్చు. కానీ వాడు ఎవ‌డో నాకు తెలియ‌దు అని వ‌ర్మ త‌న‌దైన శైలిలో కామెంట్ చేశాడు. మ‌రి దీనికి నిఖిల్ ఏమైనా స్పందిస్తాడేమో చూడాలి.