கமல்ஹாசனின் முடிவில் எனக்கு உடன்பாடு இல்லை: கவுதம் மேனன்
- IndiaGlitz, [Wednesday,March 21 2018]
உலக நாயகன் கமல்ஹாசன் தனது ஐந்து வயதில் இருந்து சினிமாவில் நடித்து வருகிறார். அவரை போல சினிமாவின் நுணுக்கங்களை அறிந்தவர் கோலிவுட்டில் வேறு யாரேனும் இருக்கின்றார்களா? என்பது சந்தேகமே. இந்த நிலையில் சமீபத்தில் அரசியல் கட்சி ஆரம்பித்த கமல்ஹாசன், இப்போது ஒப்புக்கொண்டிருக்கும் திரைப்படங்களை முடித்துவிட்டு சினிமாவில் இருந்து விலகுவதாக பேட்டி ஒன்றில் கூறியுள்ளார்.
கமல்ஹாசனின் இந்த முடிவு குறித்து இயக்குனர் கவுதம்மேனன் வருத்தம் தெரிவித்துள்ளார். கமல்ஹாசன் அரசியலில் ஈடுபடுவது குறித்து என்னால் எதுவும் கூற முடியாது. அது அவருடைய உரிமை. ஆனால் நான் அவரிடம் இருந்து நல்ல திரைப்படங்களை விரும்புகிறேன். அவர் சினிமாவில் இருந்து வெளியேறுவதை என்னால் பார்க்க முடியாது. ஒரு ரசிகனாக அவருடன் பணிபுரிந்தவனாக இதனை கூறுகின்றேன்' என்று கூறியுள்ளார்.
கமல்ஹாசன் நடித்த 'வேட்டையாடு விளையாடு' படத்தை இயக்கிய போது அவரிடம் இருந்து சினிமாவை அதிகம் கற்றுக்கொண்டதாகவும், அந்த படம் தனது திரையுலக வாழ்வில் ஒரு திருப்புமுனை படம் என்றும் கவுதம் மேனன் மேலும் கூறியுள்ளார்.