బాలీవుడ్‌లో యాక్ష‌న్ స్టార్ ఇమేజ్ ఉన్న న‌టుల్లో అక్ష‌య్‌కుమార్ ముందు వ‌రుస‌లో ఉంటాడు. ప్ర‌స్తుతం ఈ హీరోకు అన్నీ శుభ‌వార్త‌లే విన‌ప‌డుతున్నాయి. అక్ష‌య్‌కుమార్ న‌టించిన ఏయిర్ లిఫ్ట్` చిత్రం యాబై కోట్ల రూపాయ‌ల కలెక్ష‌న్స్‌ను క్రాస్ చేసి వంద‌కోట్ల వైపుకు పరుగులు తీస్తుండ‌ట‌మే కాదు, ఇటు ప్రేక్ష‌కులు, అటు విమ‌ర్శ‌కుల ప్ర‌శంస‌ల‌ను కూడా అందుకుంటుంది. అంతే కాకుండా రీసెంట్‌గా భార‌త ప్ర‌భుత్వం అక్ష‌య్‌కు ప‌ద్మ‌శ్రీ అవార్డును ప్ర‌క‌టించింది.

అయితే అక్ష‌య్ ఇప్పుడు ర‌జ‌నీకాంత్, శంక‌ర్ కాంబినేష‌న్ లో రూపొంద‌నున్న 2.0` సీక్వెల్ ఆఫ్ రోబోలో నెగటివ్ షేడ్‌లో క‌న‌ప‌డనున్నాడు. ఈ సినిమా కోసం ప్ర‌త్యేక‌మైన శిక్ష‌ణ‌ను కూడా తీసుకుంటున్నాడు. ఆస‌క్తిక‌ర‌మైన విష‌య‌మేమంటే ఈచిత్రంలో హీరో రజ‌నీకాంత్‌కు పద్మ‌విభూష‌ణ్ అవార్డ్ రాగా, అక్ష‌య్‌కు ప‌ద్మ‌శ్రీ అవార్డు వ‌చ్చింది. మ‌రి ర‌జ‌నీకాంత్‌కు అభినంద‌న‌లు చెప్పారా అని అడిగిన ప్ర‌శ్న‌కు ఆయ‌న(ర‌జ‌నీకాంత్‌) ఫోన్ నంబ‌ర్ నా వ‌ద్ద లేదు. ఆయ‌న్ను ఫోన్ నెంబ‌ర్ అడిగేంత ధైర్యం లేదు అని అన్నాడ‌ట‌.