ரஜினி, கமலுக்கு ஆதரவில்லை: தினகரனை ஆதரிக்க போவதாக பிரபல நடிகர் பேட்டி
- IndiaGlitz, [Friday,August 03 2018]
அரசியலுக்கு வரும் எண்ணம் இருப்பதாகவும், அவ்வாறு வந்தால் ரஜினி, கமலுக்கு தனது ஆதரவு இல்லை என்றும், நன்றாக செயல்பட்டு கொண்டிருக்கும் டிடிவி தினகரனை ஆதரிக்க உள்ளதாகவும் பிரபல நடிகர் தினேஷ் கூறியுள்ளார்.
'அட்டக்கத்தி' படத்தின் மூலம் அறிமுகமாகி அதன் பின்னர் 'கபாலி' உள்பட பல படங்களில் நடித்தவர் நடிகர் தினேஷ். இவர் நடித்து முடித்துள்ள 'அண்ணனுக்கு ஜே' என்ற திரைப்படத்தின் டிரைலர் ரிலீஸ் விழா சமீபத்தில் நடந்தது.
இந்த விழாவில் பேசிய தினேஷ், 'தனக்கு சிறு வயதிலேயே அரசியலில் விருப்பம் உண்டு என்றும், குறிப்பிட்ட அனுபவம் கிடைத்தவுடன் அரசியலுக்கு வரும் எண்ணம் இருப்பதாகவும் கூறினார். மேலும் அரசியலுக்கு வந்தால் ரஜினி, கமலை ஆதரிக்க மாட்டேன் என்றும் தமிழகத்தில் நன்றாக செயல்பட்டு வரும் டிடிவி தினகரனை ஆதரிப்பேன் என்றும் அவர் அனைத்தையும் நேர்த்தியும் அணுகும் முறை தன்னை கவர்ந்ததாகவும் குறிப்பிட்டார். மேலும் தமிழகத்தில் மக்களுக்கு வழிகாட்ட சரியான தலைவர் இல்லை என்றும் நியாயமான கோரிக்கைக்காக போராடினால் துப்பாக்கியால் சுடுகிறார்கள் என்றும் அவர் வருத்தத்துடன் தெரிவித்தார்.