மூன்று படங்களும் தோல்வி, இனிமேல் சினிமாவை இயக்க மாட்டேன்: கமல் பட இயக்குனர் அறிவிப்பு
- IndiaGlitz, [Saturday,July 23 2022]
கமல்ஹாசன் படம் உள்பட மூன்று படங்களை இயக்கிய இயக்குனர் தனது மூன்று படங்களும் எதிர்பார்த்த பலனை தரவில்லை என்பதால் இனிமேல் சினிமாவை இயக்க மாட்டேன் என்று தெரிவித்துள்ளார்.
தமிழ் திரையுலகின் முன்னணி ஒளிப்பதிவாளர்களில் ஒருவர் பிசி ஸ்ரீராம் என்பதும் தேசிய விருது பெற்ற இவர் பல வெற்றிப் படங்களுக்கு ஒளிப்பதிவாளராக பணிபுரிந்துள்ளார் என்பது குறிப்பிடத்தக்கது.
இந்த நிலையில் விக்ரம் நடித்த ’மீரா’ கமல்ஹாசன் நடித்த ’குருதிப்புனல்’ மற்றும் ’வானம் வசப்படும்’ ஆகிய மூன்று படங்களை இவர் இயக்கியுள்ளார். இந்த மூன்று விமர்சனரீதியான பாராட்டுக்களை பெற்ற போதிலும் வசூல் ரீதியாக வெற்றி பெறவில்லை.
இந்நிலையில் சமீபத்தில் பேட்டியளித்த பி சி ஸ்ரீராம் இதுவரை நான் இயக்குனராக வருவதற்கு சில முயற்சிகள் செய்தேன், ஆனால் நல்ல பலன் வரவில்லை. ஒளிப்பதிவு வேறு சினிமா வேறு என்பதை நான் புரிந்து கொண்டேன். ஒரு சினிமாவை இயக்குவதற்கு அனைத்து பிரிவுகளையும் கையாளும் திறமை வேண்டும், அந்த திறமை எனக்கு இல்லை. அதனால்தான் நான் இயக்கிய ’குருதிப்புனல்’ உள்ளிட்ட மூன்று படங்களும் எதிர்பார்த்த பலனை அளிக்கவில்லை. எனவே இனி சினிமாவை இயக்கும் எண்ணம் இல்லை என்று கூறினார்.
மேலும் என் மனதுக்குப் பிடித்த கதையாக இருந்தால் மட்டுமே ஒளிப்பதிவு செய்வேன் என்றும், என்னிடம் கதை முழுவதையும் சொன்ன பிறகு தான் நான் அந்த படத்திற்கு ஒளிப்பதிவு செய்வது குறித்து முடிவு செய்வேன் என்றும் அவர் தெரிவித்தார்.