‘నేను ముఖ్యమంత్రి అవ్వాలని పగటి కలలు కనడం లేదు. 25 ఏళ్ల రాష్ట్ర ప్రజల భవిష్యత్ కోసం పార్టీని పెట్టాను. ప్రజల కష్టాల గురించి మాట్లాడతాను’ అని జనసేన అధినేత పవన్ కల్యాణ్ చెప్పుకొచ్చారు. బుధవారం నాడు పవన్.. ప్రకాశం జిల్లాలో పర్యటించారు. ఈ సందర్భంగా ఆయన మాట్లాడుతూ వైసీపీ సర్కార్‌పై తీవ్ర స్థాయిలో విమర్శలు గుప్పించారు.

‘నేను సినిమాలు చేసుకుంటూ ఆనందంగా ఉండేవాడిని.. కానీ ప్రజలకు ఏదైనా చెయ్యాలనే రాజకీయాల్లోకి వచ్చాను. ప్రజల కోసం నిలబడదామనుకుంటున్నాను. గెలుస్తానో.. ఓడతానో తెలియదు.. అంతిమ శ్వాస వరకు పార్టీని నడుపుతాను. నేను ఎవరికీ తల వంచను. మనుషుల్ని గౌరవిస్తాను. ఎన్నికల్లో ఓడిపోగానే బెంబేలు పడే వ్యక్తిని కాదు. నాతో పాటూ 25 ఏళ్లు ప్రయాణించే వాళ్లు కావాలి’ అని పవన్ కోరారు.