అహంకారంతోనో నేనేదో మేధావిని అనో అది చెప్పలేదు - బన్ని
- IndiaGlitz, [Tuesday,August 09 2016]
అల్లు శిరీష్ - లావ‌ణ్య జంట‌గా ప‌రుశురామ్ తెర‌కెక్కించిన చిత్రం శ్రీర‌స్తు శుభ‌మ‌స్తు. ఈ చిత్రాన్ని గీతా ఆర్ట్స్ బ్యాన‌ర్ పై అల్లు అర‌వింద్ నిర్మించారు. ఇటీవ‌ల రిలీజైన శ్రీర‌స్తు - శుభ‌మ‌స్తు చిత్రం విజ‌య‌వంతంగా ప్ర‌ద‌ర్శిత‌మ‌వుతోంది. ఈ సంద‌ర్భంగా ఏర్పాటు చేసిన స‌క్సెస్ మీట్ లో స్టైలీష్ స్టార్ అల్లు అర్జున్ మాట్లాడుతూ....నేను కొన్ని సినిమాల రిజెల్ట్ ఎలా ఉంటుందో ముందుగానే చెప్పేగ‌ల‌ను. ఇది అహంకారంతోనో నేనేదో మేధావిని అనో చెప్ప‌డం లేదు. శ్రీర‌స్తు శుభ‌మ‌స్తు చిత్రం మంచి చిత్రం అవుతుంద‌ని ముందు నుంచి అనిపించింది. డైరెక్ట‌ర్ ప‌రుశురామ్ ని గీతా ఆర్ట్స్ ఆఫీస్ చాలా సార్లు చూసాను. చూసిన ప్ర‌తి సారీ ఏదో రాస్తూనే ఉండేవారు. ఈ చిత్రాన్ని ప‌రుశురామ్ ఎంతో ప‌ట్టుద‌ల‌తో తెర‌కెక్కించారు. అలాగే శిరీష్ కూడా సంవ‌త్స‌రం నుంచి డే అండ్ నైట్ చాలా క‌ష్ట‌ప‌డ్డాడు.
ఏ సినిమాకైనా ఎంత ప‌బ్లిసిటీ చేసినా..ట్రైల‌ర్ చేసో..ఆడియో వినో సినిమా చూడాలా వ‌ద్దా అని ఆడియోన్స్ ఫిక్స్ అవుతారు. శ్రీర‌స్తు శుభ‌మ‌స్తు...ట్రైల‌ర్ కి చాలా మంచి ఫీడ్ బ్యాక్ వ‌చ్చింది. పెద్ద డైరెక్ట‌ర్స్ నాకు ఫోన్ చేసి మ‌రీ ట్రైల‌ర్ బాగుంద‌ని చెప్పారు. సినిమా పూర్త‌య్యాకా ర‌ష్ చూసాను. నాకు మంచి సినిమా అవుతుంది అనిపించింది వెంట‌నే నాన్న‌కు కంగ్రాట్స్ చెప్పాను. ఈ సినిమా స‌క్సెస్ మీట్ కి మా నాన్న‌కోసం త‌మ్ముడి కోసం రావాలి కానీ..నేను నా త‌మ్ముడి సినిమా స‌క్సెస్ అయ్యింద‌నే వ‌చ్చాను. నా త‌మ్ముడికి స‌క్సెస్ ఫుల్ మూవీ ఇచ్చిన డైరెక్ట‌ర్ ప‌రుశురామ్ కి మా ఫ్యామిలీ త‌రుపున థ్యాంక్స్ తెలియ‌చేస్తున్నాను అన్నారు.