స్టార్ హీరోయిన్‌గా ఇటు తెలుగు, త‌మిళంతో పాటు అటు బాలీవుడ్‌లోనూ వ‌రుస సినిమాల్లో న‌టించిన శ్రుతిహాస‌న్ కొంత‌కాలం సినిమాల‌కు దూరంగా ఉండిపోయింది. లండ‌న్‌కు చెందిన మైకేల్‌తో ప్రేమాయ‌ణం నెరిపింది. ఇద్ద‌రూ పెళ్లి చేసుకుంటార‌నుకునే స‌మ‌యానికి బ్రేక‌ప్ జ‌రిగింది. ఈ బ్రేక‌ప్‌పై శ్రుతిహాస‌న్ రీసెంట్‌గా జ‌రిగిన మంచు ల‌క్ష్మి `ఫీట్ అప్ విత్ ద స్టార్స్‌` ఇంట‌ర్వ్యూలో చెప్పుకొచ్చింది. మ‌ద్యం మాన‌లేక కెరీర్ ప‌రంగా కూడా స‌మ‌స్య‌ల‌ను ఎదుర్కొన్నాన‌ని చెప్పింది శ్రుతిహాస‌న్‌. ఇలా బాహాటంగా శ్రుతిహాస‌న్ త‌న బ‌ల‌హీన‌త‌ను బ‌య‌ట‌పెట్ట‌డం టాక్ ఆఫ్ ది ఇండ‌స్ట్రీ అయ్యింది.

అయితే ఇప్పుడు తాను మందుకు చాలా దూరంగా ఉన్నాన‌ని, ఇక‌పై మ‌ద్యం జోలికి వెళ్ల‌న‌ని కూడా చెప్పింది. మైకేల్‌తో బ్రేక‌ప్ కావ‌డం వ‌ల్ల త‌న‌కు జీవితంలో ఓ అనుభ‌వం ఎదురైంద‌ని చెప్పుకొచ్చింది. భ‌విష్య‌త్తులో మంచి వ్య‌క్తి కోసం ఎదురుచూస్తున్నాన‌ని, అలాంటి వ్య‌క్తి తార‌స‌ప‌డ్డప్పుడు త‌ప్ప‌కుండా అత‌నితో ప్రేమ‌లో ప‌డ‌తాన‌ని చెప్పింది. ప్ర‌స్తుం శ్రుతిహాస‌న్ బాలీవుడ్‌లో, కోలీవుడ్‌లో సినిమాలు చేయ‌డానికి సిద్ధ‌మైంది.