கமல்ஹாசன், ரஜினிகாந்த், பிரபு, சத்யராஜ், விஜயகாந்த், அஜித், விஜய், உள்பட பிரபல நடிகர்களுடன் நடிகை மீனா நடித்த நிலையில் விக்ரமுடன் அவர் நடித்த ஆல்பம் பாடல் வெளியாகாமல் உள்ளது என்று சமீபத்தில் நடந்த நிகழ்ச்சியில் மீனா வருத்தத்துடன் கூறியுள்ளார்.

நடிகை மீனா சமீபத்தில் இசை ஆல்பம் ஒன்றின் வெளியீட்டு நிகழ்ச்சியில் கலந்து கொண்டார். அப்போது அவர் பேசிய போது ’நானும் விக்ரமும் இணைந்து ‘காதலிஸம்’ என்ற ஆல்பத்தில் இணைந்து நடித்தோம்.

அந்த காலத்தில் ஆங்கிலம் ஹிந்தி ஆல்பங்கள் நல்ல வரவேற்பை பெற்றாலும் தமிழில் எங்கள் ஆல்பத்தை எப்படி வெளியிடுவது? மக்களிடம் எப்படி கொண்டு போய் சேர்ப்பது என்று எங்களுக்கு தெரியவில்லை. அதனால் அந்த ஆல்பம் ரிலீசாகாமல் போய்விட்டது. அதில் எனக்கு மிகவும் வருத்தம். ஆனால் இந்த தலைமுறையினர் ஆல்பம் பாடலை கொண்டாடி வருகின்றனர் என்று நடிகை மீனா கூறினார்.