கடந்த சில ஆண்டுகளாகவே விஜய் படத்தில் மாஸ் மற்றும் பஞ்ச் டயலாக்குகள் தொடர்ந்து இடம்பெறுகின்றன. விஜய்யின் பஞ்ச் டயலாக்குகள் பெருமளவில் ரசிகர்களை சென்றடைவதால் இயக்குனர்கள் தவறாமல் அவரது படத்தில் பஞ்ச் டயலாக்குகளை வைத்து வருகின்றனர்.

இந்த நிலையில் விஜய் நடிப்பில் ஏ.ஆர்.முருகதாஸ் இயக்கத்தில் 'துப்பாக்கி' படத்தில் இடம்பெற்ற 'ஐ அம் வெயிட்டிங்' என்ற மாஸ் டயலாக் இன்றளவும் விஜய் ரசிகர்களின் மனதில் இடம்பெற்றுள்ளது. இந்த மாஸ் டயலாக் 'சர்கார்' படத்திலும் ஒரு முக்கிய காட்சியில் இடம்பெற்றுள்ளதாக செய்திகள் கசிந்துள்ளது.

இந்த படத்திலும் ஒரு காட்சியில் இந்த டயலாக் பொருத்தமாக இருப்பதால் பயன்படுத்தப்பட்டிருப்பதாக கூறப்படுகிறது. இந்த டயலாக் திரையில் தோன்றும்போது ரசிகர்களின் கரகோஷம் எப்படி இருக்கும் என்பதை கற்பனை செய்து பார்க்கவும் முடிகிறது. ஏற்கனவே 'ஐ எம் ஏ கார்ப்பரேட் கிரிமினல் உள்பட ஒருசில மாஸ் டயலாக்குகளை 'சர்கார்' படத்தின் டிரைலரில் பார்த்தோம் என்பது குறிப்பிடத்தக்கது.