ஐபிஎல் கிரிக்கெட் போட்டி தொடரில் நேற்று இரண்டு முக்கிய போட்டிகள் நடைபெற்றது. மும்பை மற்றும் பஞ்சாப் அணிகள் நேற்றைய போட்டியில் வெற்றி பெற்றிருந்தால் பிளே ஆப் சுற்றுக்கு செல்லும் வாய்ப்பை பெற்றிருக்கும். ஆனால் மும்பை அணி டெல்லி அணியிடமும், பஞ்சாப் அணி சென்னை அணியிடமும் தோல்வி அடைந்ததால் இரு அணிகளுமே போட்டியில் இருந்து விலக வேண்டிய நிலை ஏற்பட்டுள்ளது.

இந்த நிலையில் ப்ரித்திஜிந்தாவின் ஆடியோ இல்லாத வீடியோ ஒன்று இணையதளங்களில் வைரலாகியுள்ளது. அந்த வீடியோவில் அவரது உதட்டசைவை வைத்து 'மும்பை அணி போட்டியில் இருந்து வெளியேறியது எனக்கு மகிழ்ச்சி' என்று கூறியிருப்பதாக தெரிகிறது. பஞ்சாப் அணியின் உரிமையாளர்களில் ஒருவரான ப்ரித்திஜிந்தா, தனது அணி அடுத்த சுற்றுக்கு செல்லவில்லை என்ற கவலையிலும் மும்பை அணியின் தோல்வியை கொண்டாடியது அனைவருக்கு வியப்பை அளித்துள்ளது.

மேலும் ப்ரித்திஜிந்தா தனது சமூக வலைத்தளத்தில் பிளே ஆப் சுற்றுக்கு பஞ்சாப் தகுதி பெறவில்லை என்பது வருத்தமே என்றாலும் தகுதி பெற்றுள்ள நான்கு அணிகளுக்கும் தனது வாழ்த்துக்களை தெரிவித்து கொள்வதாக கூறியுள்ளார்.

Did #PreityZinta just say “I am just very happy that Mumbai is not going to the finals..Really happy” ?? #CSKvKXIP #MIvsDD #IPL #IPL2018 pic.twitter.com/KWaxSUZYZh

— Jo (@jogtweets) May 20, 2018