மில்லியன் டாலர் பேபி சமந்தாவுக்கு சின்மயி வாழ்த்து
- IndiaGlitz, [Wednesday,July 24 2019]
சமந்தா நடித்த 'ஓபேபி' திரைப்படம் சமீபத்தில் வெளியாகி நல்ல வரவேற்பை பெற்றது என்பது தெரிந்ததே. இந்த படம் தமிழகம் மற்றும் தெலுங்கு மாநிலங்களில் மட்டுமின்றி வெளிநாட்டிலும் நல்ல வசூலை பெற்றது. குறிப்பாக அமெரிக்காவில் 'ஓபேபி' திரைப்படத்திற்கு நல்ல வரவேற்பு கிடைத்ததால் வசூலை அள்ளி குவித்து வருகிறது. இதுவரை இந்த படம் அமெரிக்காவில் ஒரு மில்லியன் டாலர் வசூலை பெற்றுள்ளதாக தெரிகிறது.
அனுஷ்கா ஷெட்டி படங்களை அடுத்து சமந்தாவின் 'ஓபேபி' திரைப்படம்தான் அமெரிக்காவில் மில்லியன் டாலர் வசூலை குவித்த நாயகிக்கு முக்கியத்துவம் தரும் படம் என்று செய்திகள் வந்துள்ளது. திருமணமான ஒரு நடிகையின் திரைப்படம் வெளிநாட்டில் வசூலை குவிப்பது தென்னிந்திய அளவில் இதுதான் முதல்முறை என்று கூறப்படுகிறது. இந்த நிலையில் இந்த படத்தில் சமந்தாவுக்கு பின்னணி குரல் கொடுத்த பாடகி சின்மயி, 'மில்லியன் டாலர் பேபி சமந்தாவுக்கு தனது சமூக வலைத்தளத்தில் வாழ்த்து தெரிவித்துள்ளார்.
நாயகிக்கு முக்கியத்துவம் பெற்ற திரைப்படங்கள் வசூலில் சாதனை செய்வது நாயகிகளின் திரையுலக வாழ்வில் ஒரு மைல்கல்லாக பார்க்கப்படுகிறது. ஏற்கனவே சமந்தாவின் 'ரங்கஸ்தலம்', 'இரும்புத்திரை', 'சூப்பர் டீலக்ஸ் ஆகிய படங்கள் கடந்த ஆண்டு அமெரிக்காவில் நல்ல வசூலை பெற்றது என்பது குறிப்பிடத்தக்கது
I am so so so happy for @Samanthaprabhu2
— Chinmayi Sripaada (@Chinmayi) July 24, 2019
Million Dollar Baby!!! https://t.co/rJuhYKK1fh