கட்டணம் கட்டினால் ரஜினிக்கு பாடம் எடுக்க தயார்? அமைச்சர் ஜெயகுமார்
- IndiaGlitz, [Wednesday,August 15 2018]
சமீபத்தில் நடந்த கருணாநிதி நினைவேந்தல் நிகழ்ச்சியில் கலந்து கொண்ட சூப்பர் ஸ்டார் ரஜினிகாந்த், 'அதிமுகவினர் எம்ஜிஆர் படத்தின் அருகே கருணாநிதி படத்தையும் வைக்க வேண்டும் என்று பேசினார். இந்த பேச்சுக்கு அதிமுக தலைவர்கள் கடும் கண்டனம் தெரிவித்து வந்த நிலையில் ரஜினியை கடுமையாக விமர்சனம் செய்தும் வருகின்றனர்.
இந்த நிலையில் இன்று செய்தியாளர்களை தமிழக அமைச்சர் ஜெயகுமார், ரஜினிகாந்த் குறித்து பேசியபோது, 'திரைத்துறையில் ரஜினிகாந்த் சாதித்திருக்கலாம்; ஆனால் அரசியலில் அவர் கத்துக்குட்டிதான். அரசியல் குறித்து ரஜினிக்கு பாடம் எடுக்க தயார், ஆனால் அவர் கட்டணம் கட்டினால் மட்டும் போதும்' என்று கூறினார்.
அமைச்சர் ஜெயகுமாரின் இந்த கருத்துக்கு ரஜினி ரசிகர்களும், நெட்டிசன்களும் கண்டனம் தெரிவித்து வருகின்றனர். இதனால் ரஜினி ரசிகர்கள் மற்றும் அதிமுகவினர் சமூக வலைத்தளத்தில் மோதி வருகின்றனர் என்பது குறிப்பிடத்தக்கது.