నేను పొగాకు ప్రమోట్ చేయ‌లేదు
- IndiaGlitz, [Thursday,May 16 2019]
బాలీవుడ్ న‌టుడు అజ‌య్ దేవగణ్ పొగాకు ఉత్ప‌త్తుల‌ను ప్రమోట్ చేయ‌రాదంటూ ఇటీవ‌ల నాన‌క్‌రామ్ అనే అభిమాని ఆయ‌న్ని కోరాడు. ఈ విష‌యం సోష‌ల్ మీడియాలో వైర‌ల్ అయ్యింది. అస‌లు విష‌యాన్ని తెలుసుకున్న అజ‌య్ దేవగణ్ స్పందిస్తూ ''నేను పొగాకును ప్రమోట్ చేయ‌లేదు. ఇలాచీల‌ను ఉప‌యోగించాం.
నా ఒప్పందం ప్ర‌కారం అది పొగాకు కాదు. మ‌రి కంపెనీ ఇలాచీని కాకుండా మ‌రేదైనా అమ్మిందా? అనేది నాకు తెలియ‌దు'' అన్నారు అజ‌య్ దేవగణ్. ఇక సినిమాలో పొగ తాగ‌ని వ్య‌క్తిలా న‌టించ‌డంపై ఆయ‌న మాట్లాడుతూ ''దేదేప్యార్ దే'లో పొగ తాగ‌ని వ్యక్తి పాత్ర నాది. అయితే కంపెనీలో నా పాత్ర పొగ త్రాగుతుంది. పాత్ర ప‌రంగానే న‌టించాలి త‌ప్ప‌దు'' అని కూడా పేర్కొన్నారు.
రాజ‌స్థాన్‌కు చెందిన నాన‌క్‌రామ్ అనే వ్యక్తి పొగాకు వాడ‌కం వ‌ల్ల క్యాన్స‌ర్ బారిన ప‌డ్డాడు. త‌న అభిమాన న‌టుడు అజ‌య్‌దేవ‌గ‌ణ్ కూడా పొగాకు ఉత్ప‌త్తుల్లో న‌టించ‌కూడ‌ద‌ని కోరారు.