விக்ரம் நடிப்பில் ஹரி இயக்கத்தில் கடந்த ஆண்டு வெளியான திரைப்படம் 'சாமி 2'. இந்த படத்தில் முதல் பாகத்தில் நடித்த த்ரிஷாவின் புவனா கேரக்டரில் த்ரிஷாவே நடிக்க முதலில் ஒப்பந்தமாகியிருந்தார். ஆனால் தன்னுடைய கேரக்டருக்கு படத்தில் முக்கியத்துவம் இல்லாததால் திடீரென அந்த படத்தில் இருந்து விலகினார்.

இந்த நிலையில் புவனா கேரக்டரில் ஐஸ்வர்யா ராஜேஷ் நடித்தார். அந்த படம் ஐஸ்வர்யாவுக்கு பெரும் ஏமாற்றத்தையே கொடுத்தது. இந்த நிலையில் சமீபத்தில் அளித்த பேட்டி ஒன்றில், 'சாமி 2' படத்தில் நடிக்க எனக்கு கொஞ்சமும் விருப்பமில்லை. வேறு நடிகைகள் யாரும் அந்த கேரக்டரில் நடிக்க முன்வரவில்லை. எனவே படக்குழுவினர் கேட்டுக்கொண்டதற்கு இணங்கே விருப்பமின்றி அந்த படத்தில் நடித்தேன் என்று ஐஸ்வர்யா ராஜேஷ் கூறினார்.

மேலும் தான் என்றைக்குமே கமர்ஷியல் இயக்குனர்களின் சாய்ஸாக இருந்ததில்லை என்றும், அதேபோல் தனக்கு ஹீரோவுடன் பாட்டு பாடி காதலிக்கும் சராசரி ஹீரோயின் கேரக்டரில் நடிக்க விருப்பம் இல்லை என்றும் ஐஸ்வர்யா ராஜேஷ் மேலும் தெரிவித்துள்ளார்.