ரகசிய திருமணமா? வரலட்சுமி சரத்குமார் விளக்கம்
- IndiaGlitz, [Monday,October 08 2018]
தமிழ் சினிமாவில் பிசியான நடிகைகளில் ஒருவர் வரலட்சுமி. விஜய்யின் 'சர்கார்' விஷாலின் 'சண்டக்கோழி 2' உள்பட பல படங்களில் நடித்து வருகிறார்.
இந்த நிலையில் சமீபத்தில் வரலட்சுமிக்கு திருமண நிச்சயதார்த்தம் நடந்ததாகவும் விரைவில் அவர் திருமணம் செய்து கொள்ளவிருப்பதாகவும் ஒருசில இணையதளங்களில் ஒரு வதந்தி பரவி வருகிறது. இந்த வதந்திக்கு பதில் அளித்த வரலட்சுமி, 'எனக்கு நிச்சயதார்த்தமும் நடைபெறவில்லை, இப்போதைக்கு திருமணமும் இல்லை' என்று கூறியுள்ளார். மேலும் இந்த வதந்தியை பரப்பி வரும் வேலைவெட்டி இல்லாதவர்களுக்கு தனது நன்றி என்றும், தன்னை சிறுமைப்படுத்த வேண்டும் என்ற அவர்களது எண்ணம் ஈடேறாது என்றும், ஏனெனில் தான் ஒரு கடின உழைப்பாளி மற்றும் வேலையை நேசிப்பவர் என்றும் கூறியுள்ளார்.
சர்கார்', 'சண்டக்கோழி 2' படத்தை அடுத்து நீயா 2', 'மாரி 2', 'காட்டேரி', வெல்வெட் நகரம்', மற்றும் 'ஷக்தி' ஆகிய படங்களில் வரலட்சுமி நடித்து வருகிறார். மேலும் தனியார் தொலைக்காட்சி ஒன்றில் 'உன்னை அறிந்தால்' என்ற ரியாலிட்டி நிகழ்ச்சி ஒன்றையும் வரலட்சுமி நடத்தவுள்ளார் என்பது குறிப்பிடத்தக்கது.