இன்னும் நான் 'லியோ' படத்தில் நடிக்கவே ஆரம்பிக்கலை.. பிரபல நடிகர் பேட்டி..!
- IndiaGlitz, [Monday,April 10 2023]
தளபதி விஜய் நடித்து வரும் ‘லியோ’ படத்தில் நடிகர் மன்சூர் அலிகான் ஒரு முக்கிய கேரக்டரில் நடித்து வருவதாக கூறப்படும் நிலையில் தனது காட்சியின் படப்பிடிப்பு இன்னும் படமாக்கப்படவே இல்லை என்று மன்சூர் அலிகான் பேட்டி அளித்துள்ளார்.
தளபதி விஜய் நடிப்பில், லோகேஷ் கனகராஜ் இயக்கத்தில் அனிருத் இசையில் உருவாகி வரும் திரைப்படம் ‘லியோ’. இந்த படத்தின் படப்பிடிப்பு சமீபத்தில் காஷ்மீரில் நடந்தது என்பதும் இதையடுத்து தற்போது சென்னையில் நடைபெற்று வருவதாகவும் கூறப்படுகிறது.
இந்த நிலையில் சமீபத்தில் பேட்டி அளித்த நடிகர் மன்சூர் அலிகான் ’என்னுடைய காட்சியின் படப்பிடிப்பு இன்னும் தொடங்கவே இல்லை, தற்போது தான் என்னுடைய காட்சியின் படப்பிடிப்பு நடைபெற்று வருகிறது. ஏற்கனவே காஷ்மீர் படப்பிடிப்பு முடிந்தவுடன் தான் என்னுடைய காட்சியின் படப்பிடிப்பு என்று சொல்லி இருந்தார்கள் என்று கூறினார்.
மேலும் தேவா படத்திற்கு பிறகு விஜய் உடன் மீண்டும் நீண்ட இடைவெளிக்கு பின் இணைந்து நடிக்கின்றேன். நீண்ட நாட்களுக்கு பிறகு அவருடன் நான் நடிப்பதில் எனக்கு மிகவும் சந்தோஷம் என்று கூறியுள்ளார்
வரும் அக்டோபர் 19ஆம் தேதி ரிலீஸாகும் என்று அறிவிக்கப்பட்டுள்ள இந்த படத்தில் விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் நடித்து வருகின்றனர். இந்த படத்தை பெரும் பொருட்செலவில் லலித தயாரித்து வருகிறார். அனிருத் இசையில் பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.