பிக்பாஸ் நிகழ்ச்சியில் நான் இல்லை: தமிழ் நடிகை விளக்கம்!
- IndiaGlitz, [Tuesday,September 07 2021]
பிக்பாஸ் நிகழ்ச்சியில் நான் கலந்து கொள்வதாக செய்திகள் வெளியாகிக் கொண்டிருப்பது தவறானது என்றும் பிக்பாஸ் நிகழ்ச்சியில் நான் கலந்து கொள்ளவில்லை என்றும் பிரபல நடிகை மற்றும் இயக்குனர் தனது சமூக வலைத்தளத்தில் பதிவு செய்துள்ளார்.
கமல்ஹாசன் தொகுத்து வழங்கும் பிக்பாஸ் தமிழ் சீசன் 5 நிகழ்ச்சி விரைவில் தொடங்க உள்ள நிலையில் இந்த நிகழ்ச்சியில் கலந்துகொள்ள இருக்கும் போட்டியாளர்கள் குறித்த தகவல்கள் அவ்வப்போது கசிந்து வருகிறது.
குறிப்பாக விஜய் டிவி பிரியங்கா உள்பட ஒருசிலர் பிக் பாஸ் நிகழ்ச்சியில் கலந்து கொள்ளப் போவது உறுதி என்றும் கூறப்பட்டு வருகிறது. இந்த நிலையில் நடிகையும் இயக்குனருமான லட்சுமி ராமகிருஷ்ணன் தனது சமூக வலைத்தளத்தில் பிக்பாஸ் நிகழ்ச்சியின் போட்டியாளர்களில் ஒருவராக என்னுடைய பெயர் அடிபட்டு வருகிறது. நான் பிக்பாஸ் சீசன் 5 நிகழ்ச்சியில் கலந்து கொள்ளவில்லை. எனவே அந்த பட்டியலில் இருந்து என்னுடைய பெயரை நீக்கி விடவும் என்று அவர் கூறியுள்ளார்.
பிக்பாஸ் சீசன் 4 நிகழ்ச்சியின்போதும் லட்சுமி ராமகிருஷ்ணன் கலந்து கொள்வதாக கூறப்பட்ட போதும் இதே போன்ற விளக்கத்தை அவர் அளிந்திருந்தார் என்பது குறிப்பிடத்தக்கது.
I am seeing my name in the bigboss contestant list, every season. I am not part of #BiggBossTamil5 pls remove my name from the list, I am clarifying this once for all ?? pic.twitter.com/zc61s1nlbu
— Lakshmy Ramakrishnan (@LakshmyRamki) September 5, 2021