லோகேஷ் யூனிவெர்ஸுடன் இணைய காத்திருக்கின்றேன் என பிரபல நடிகர் ஓபன் ஆக தெரிவித்துள்ளார்.

பிரபல இயக்குனர் லோகேஷ் கனகராஜ் இயக்கிய ’விக்ரம்’ மாபெரும் வெற்றி பெற்றதை அடுத்து அவரை ரசிகர்கள் லோகேஷ் யூனிவெர்ஸ் என்ற பெயருடன் அழைத்து வருகின்றனர். லோகேஷ் இயக்கும் படங்களில் அவரது முந்தைய படங்களுக்கும் தொடர்பு இருப்பதை அடுத்தே இந்த பெயரை அவருக்கு ரசிகர்கள் கொடுத்து உள்ளார்கள் என்பது குறிப்பிடத்தக்கது.

இந்த நிலையில் லோகேஷ் யூனிவெர்ஸில் இணைய பல தமிழ் திரையுலக பிரபல நடிகர்களே காத்திருக்கும் நிலையில் தெலுங்கு நடிகர் ஒருவர் லோகேஷ் யூனிவெர்ஸில் இணைய காத்திருக்கின்றேன் ஓபன் ஆக பேசியுள்ளார்.

பிரபல தெலுங்கு நடிகர் விஜய் தேவரகொண்டா நடித்த ’லைகர்’ திரைப்படத்தின் பத்திரிகையாளர் சந்திப்பு இன்று சென்னையில் நடைபெற்றது. இந்நிகழ்ச்சியில் விஜய் தேவரகொண்டா பேசியபோது லோகேஷ் யூனிவெர்ஸில் இணையும் நாளுக்காக நான் காத்திருக்கின்றேன் என்றும் அது விரைவில் நடக்கும் என்று நான் நம்புகிறேன் என்று தெரிவித்துள்ளார். மேலும் லோகேஷ், வெற்றிமாறன், பா ரஞ்சித் படைப்புகளை நான் மிகவும் விரும்பி பார்ப்பேன் என்றும் அவர் தெரிவித்துள்ளார்.