நடிகர் விஜய் சேதுபதியின் கோடிக்கணக்கான ரசிகர்களில் நானும் ஒருவன் என்று கூறிக்கொள்வதில் பெருமை அடைகிறேன் என தமிழக அமைச்சர் ஒருவர் தெரிவித்துள்ளார்.

நேற்று சென்னையில் தேசிய அளவிலான கூடைப்பந்து போட்டி தொடங்கியது. 16 மாநில ஆண்கள் அணி மற்றும் 15 மாநில பெண்கள் அணி இந்த போட்டியில் பங்கேற்க உள்ளன.

இந்த போட்டியின் தொடக்க விழாவில் நிதியமைச்சர் பழனிவேல் தியாகராஜன், நடிகர் விஜய்சேதுபதி, ஒலிம்பிக் சங்கத்தின் தலைவர் டாக்டர் ஐசரி கணேஷ் உள்பட பலர் கலந்து கொண்டனர்.

இந்த நிகழ்ச்சியில் நடிகர் விஜய் சேதுபதி, ‘ விளையாட்டு என்ற ஒன்று தான் ஜாதி பாகுபாடு அனைத்தையும் முடக்கி, நம்மை ஒன்றாக இணைக்கிறது என்றும், விளையாட்டு என்பது நம்முடைய உடம்பை நமக்கு யார் என்பதை அறிமுகப்படுத்துகிறது என்று கூறினார். மேலும் விளையாட்டை போட்டியாக மட்டும் பார்க்காமல் அறிவுப்போட்டியாகவும்ம் பார்க்க வேண்டும் என்று கூறினார் .

இதனை அடுத்து பேச வந்த நிதி அமைச்சர் தியாகராஜன், ‘சினிமா துறையில் இருந்து கொண்டு எளிதாக கருத்தை தைரியமாக சொல்லி, அரசாங்கம் யாராக இருந்தாலும் பரவாயில்லை என்ற தன்மையுடன், சிந்தனையுடன் பேசுபவர் விஜய் சேதுபதி. அந்த வகையில் அவருடைய பல கோடி ரசிகர்களில் நானும் ஒருவன் என்று கூறினார்.